Peñafloridako kondeen eta Fontellaseko markesen artxibategia
Elkartearen sortzaile Frantzisko Xabier Munibe Idiakez (1729-1785) Peñafloridako X. kondearen familiaren artxibategia da.
157 paper-sorta eta kutxa ditu, eta 4.000 dokumentu-unitate baino gehiago. 3 euskal-nafar familiaren dokumentuak jasotzen ditu. Familia horiek XIX. mendearen erdialdean egin zuten bat, Francisco Javier de Mendizabal Argaiz (1841-1910) donostiarraren bidez; izan ere, aita Mendizabalen ondarea eta osaba-aitona Víctor Munibe Aranguren Peñafloridako XIII. kondearen oinordetza batu zituen, azken hori ondorengorik gabe 1874an hil zenean, eta, ama Luisa de Argaiz Muniberen aldetik, Tuterako merindadeko Argaizen ondarea jaso zuen, haren osaba Javier Paulino de Argaiz Munibe hil zenean.
Familia horiek maiorazko handiak zituztenez, funts horretan, hauen guztien etxeen dokumentuak daude: Mendizabal, Vildosola, Pérez de Isaba, Ansorena-Garayoa, Argaiz, Galdeano, Jaso, Azpilcueta, Arlas, Remírez de Asiain, Munibe, Arancibia-Sasiola, Eguino-Isasaga, Ugarte, Zaldivar, Mallea, Araiz, Arrazubia, Insausti, Escalante, Ibarra-Elormendi, Astigarribia, Gaviola eta Maspe.
Artxibategi horrek inbentario digitalizatu bat du, eta funtsak erabat digitalizatuta daude.